पुणे : खेडेगाव, शेती, शेतकरी याविषयी शहरी भागातील लोकांना कुतूहल असते. शहरी वातावरणापासून दूर, अस्सल गावरान आणि मोकळ्या हवेचा आनंद घेण्यासाठी शहरातील मंडळी आसुसलेली असतात. आता राजगडाच्या पायथ्याशी असलेल्या गावात हा आनंद अनुभवता येणार आहे.
खुद्द शेतकऱ्याच्या घरात राहून, त्यांच्या दिनचर्येत सहभागी होण्याची संधी भोर तालुक्यातील निसर्गसंपन्न कुरुंजी व मळे गावांतील ‘व्हिलेज होम स्टे’द्वारे मिळणार आहे. नुकतेच अभिनेता सुबोध भावे याच्या हस्ते या प्रकल्पाचे उद्घाटन झाले. या वेळी गणेश जाधव, मंदार देवगावकर, अमृता देवगावकर, मकरंद केळकर आदी उपस्थित होते.
